ebusa entabeni yaseHermoni , naseSaleka, nakulo lonke iBashani kuze kube semkhawulweni wamaGeshuri nowamaMahakhati, nenxenye yakwaGileyadi, umkhawulo kaSihoni inkosi yaseHeshiboni.

nayo yonke imizi kaSihoni inkosi yama -Amori owabusa eHeshiboni , kuze kube semkhawulweni wabantwana bakwa-Amoni,

nayo yonke imizi yasethafeni, nawo wonke umbuso kaSihoni inkosi yama- Amori owayebusa eHeshiboni, ambulalayo uMose kanye nezikhulu zakwaMidiyani, o-Evi, noRekemi, noSuri, noHure, noReba, izikhulu zikaSihoni ezazakhe kulelo zwe.

nasesigodini: iBeti Haramu , neBeti Nimra , neSukoti, neSafoni, insali yombuso kaSihoni inkosi yaseHeshiboni , iJordani nogu lwalo , kuze kufike ekupheleni kolwandle lwaseKinereti phesheya kweJordani ngasempumalanga.

Ngokuba iHeshiboni lalingumuzi kaSihoni inkosi yama -Amori owayelwile nenkosi endala yakwaMowabi , wathatha lonke izwe lakhe esandleni sakhe kwaze kwafika e-Arinoni.

Ngalokho abakhulu ngezaga basho bathi: Wozani eHeshiboni; makwakhiwe, umuzi kaSihoni umiswe;

UMose wayesebanika abantwana bakwaGadi nabantwana bakwaRubeni nenxenye yesizwe sakwaManase indodana kaJosefa umbuso kaSihoni inkosi yama-Amori nombuso ka -Ogi inkosi yaseBashani , izwe nemizi yalo namaphethelo ayo, imizi yezwe nxazonke.