Bonke abayizigqila phansi kwejoka mabathi abanumzane babo bafanele ukutuswa impela , ukuze igama likaNkulunkulu nesifundiso kungahlanjalazwa.

Kepha isizwe esiyakuyibeka intamo yaso phansi kwejoka lenkosi yaseBabele, siyikhonze, leso ngiyakusiphumuza ezweni laso , usho uJehova, sililime, sihlale kulo.

Ngakhuluma kuSedekiya inkosi yakwaJuda njengawo onke lawa mazwi , ngathi: Bekani izintamo zenu phansi kwejoka lenkosi yaseBabele, niyikhonze, yona nabantu bayo, niphile.

Kuyakuthi isizwe nombuso okungayikumkhonza ye na, uNebukadinesari, inkosi yaseBabele , kungabeki intamo yakho phansi kwejoka lenkosi yaseBabele, leso sizwe ngisijezise , usho uJehova , ngenkemba, nangendlala, nangesifo, ngize ngisiqede ngesandla sakhe.